Del resultado de este juicio, que poco a poco va llegando a su fin, dependerá en buena parte el futuro escenario político de Euskal Herria. O bien se abren espacios mínimos de libertad, y el proceso de paz puede reactivarse, o se produce una vuelta al estado de excepción (suponiendo que hubiera terminado) y la falta de garantías democráticas. Lo que se juzga es, ni más ni menos, que la posibilidad de hacer política y acción social disidente sin ser criminalizado por ello. Mientras, la derecha hace todo el ruido que puede, sin asustarle mantener poses y posiciones más próximas a la ultraderecha que a un partido con vocación de alternancia. Las personas que estamos a favor de la paz y de la democracia (aunque sea sólo formal) tenemos que manifestarnos contra el fascismo. La primera cita es este sábado 10 en Bilbao, esperemos que sigan otras, también desde el Estado Español.

18/98+ Lantaldea sortu zenetik, hiru urte luze eta gogorrak pasa dira. Urte hauetan, Lantaldeari izena eman dioten sumarioak ibilbide bihurri eta korapilatsua egiten ari dira Espainiako sistema judizialetik, Audientzia Nazionalean eta Tribunal Gorenean.

Duela aste gutxi Jarrai-Haika-Segiko gazteak kartzelaratuak izan dira, Tribunal Gorenaren epaiaren ondorioz, eta egun hauetan bukatzear dago amaiezina zirudien 18/98ko epaiketa.

Baina ohartarazi behar dugu, gauzak ez badira asko aldatzen, katea ez dela 18/98ko epaiketarekin bukatuko; beste auziek irekiak jarraitzen baitute (GGAA-Askatasuna, Egunkaria, Udalbiltza, Herriko Tabernak-Batasuna) eta eskubide zibil eta politikoen aurkako erasoak ez baitira eten.

18/98ko epaiketari dagokionez, kezkagarria da 16 hilabete luze pasa eta gero, Fiskaltzak zigor eskaera gogorrak eta eskaera hauei eusteko argudioak mantentzea. Akusiazio publikoak 1998an Garzon epaileak eta, Aznarren Gobernuak sumarioak irekitzeko erabili zituzten ildoei oso-osorik eusten ditu, epaiketan zehar azaldutako deklarazio eta frogak izan ez balira bezala. Horrela, "dena ETA dela" premisaren baitan, euskal herritarron oinarrizko eskubide eta askatasunen urraketa izugarria eman da azken urteotan, eta gaur da eguna indarrean jarraitzen duela; adibideak ez zaizkigu falta azken hilabeteotan.

Zentzu honetan, PPk hasitako bide beretik doa PSOEren Gobernua. Are gehiago: salbuespen egoeretako neurriak epai judizialen bidez normalizatu nahi dituela dirudi, pairatzen dugun eskubide murrizketa betirako finkatzeko asmoz.

Biltzeko eta antolatzeko askatasuna, iritzi askatasuna, adierazpen eta prentsa askatasuna, enpresa txikiak eta herrikoiak sortzeko askatasuna; askatasun ideologikoa; Euskal Herria, gure nazioa, eraikitzeko eskubidea... zerrenda luzea da, baina denona ere bai. Eskubideak guztionak dira, ez dute izen-abizenik; guztioi dagozkigu ditugun eskubideak gorpuztea eta, erasotuak izaten direnean, haien defentsan aritzea.

Guzti horrengatik, hirugarren urtez jarraian 18/98+ Lantaldeak eskubide zibil eta politikoen defentsan manifestazioa deitu du, martxoaren 10ean, Bilbon egitekoa.

Eta mobilizazio honetan parte hartzeko animatzen zaitugu. Bilboko kaleetatik mezu argia eta garbia helarazi behar dugu: eskubide zibil eta politikoak errespetatuak izan behar direla, eta, era berean, Audientzia Nazionala eta salbespenetako neurriak gure bizitzatik behin betirako desagertarazteko momentua iritsi dela.

Denon indarra behar da une garrantzitsu honetan. Denon eskubideak jokoan daudelako, Bilboko manifestazioa denona izan behar da. Zurea baita ere. Ezin zara falta!